Bi öös im Appezellerland

Bi öös im Appezellerland, do isch es choge schöö. För s gueti Wetter sorget meischtens doch de warmi Föö. Wenn du vom Chrampf Erholig suechscht, denn lauf dör ösers Land. De Alpstää ond si Hügelwelt, die gend der fründli d Hand. Grad öppedie bischt nüd elää, es sönd no andri doo. D Lüüt chreslet wie s Ameisevolk halt allne Wege noo. Denn denk du der, i schick mi dree, i nemm es mit de Rueh. Das Ländli isch för vili do, mer ghöred au dezue.